Við minnum á að umsóknarfrestur um dvöl í orlofshúsum félagsins í sumar rennur út þann 17. apríl n.k.
Félagsmönnum er bent á að nú hefur verið opnað fyrir umsóknir um vikuleigu orlofshúsa félagsins sumarið 2016.
Til þess að sækja um vikudvöl í orlofshúsi félagsins skrá félagsmenn sig inn á orlofsvef Félags Flugmálastarfsmanna ríkisins og velja flipann umsókn sumar.
Félagsmenn FFR geta sent inn allt að 5 umsóknir hver og er boðið upp á að leigja hús í Munaðarnesi, Vestmannaeyjum og íbúð á Akureyri.
Við vekjum athygli á því að leigutíma hefur nú verið breytt í mánudag til mánudags (í stað föstudags til föstudags) að ósk félagsmanna. Leiguverð er óbreytt 23.000 kr. fyrir vikuleigu, auk 24 punkta af punktainneign félagsmanns.
Umsóknarfrestur er til og með 17. apríl og fer úthlutun fram þann 18. apríl.
BSRB, ASÍ, BHM, KÍ, Jafnréttisráð og Jafnréttisstofa bjóða til hádegisverðarfundar þriðjudaginn 8. mars klukkan 11:45 á Grand hótel Reykjavík í tilefni af alþjóðlegum baráttudegi kvenna.
Yfirskrift fundarins er „Örugg í vinnunni? – Kynbundin og kynferðisleg áreitni á vinnustöðum“.
Félagsmenn FFR eru eindregið hvattir til þess að taka þátt.
Íbúð félagsins á Akureyri er laus núna um helgina. Upplagt að skella sér norður á skíði í vetrarfríinu. Sótt er um á orlofsvef félagsins.
