Laugardagur 24. maí 2025
Félagsmenn FFR sem eru sumarstarfsmenn hjá Isavia geta sótt um styrk fyrir skólagjöldum. Styrkurinn er að hámarki 30.000 kr. og nemur styrkur aldrei hærri upphæð en útlagður kostnaður. Rafræn umsókn þarf að berast félaginu fyrir 1. september og þarf kvittun fyrir útlögðum kostnaði að fylgja með.
Styrkir verða greiddir út fyrir lok september 2025. Félagið áskilur sér rétt til þess að hafna umsóknum ef þær uppfylla ekki ofangreind skilyrði.
Aðalfundur Félags flugmálastarfsmanna ríkisins verður haldinn miðvikudaginn 28. maí kl. 17:00.
Fundurinn verður haldinn á Park inn, Hafnargötu 57, 230 Reykjanesbæ.
Dagskrá fundar
Boðið verður upp á léttar veitingar.
Félagsmenn eru hvattir til að fjölmenna!
Kæru félagsmenn,
Sumarið 2025 verður svokallaður sumarglaðningur ekki í boði. Félagið mun bjóða upp á bæði útilegukort og ferðaávísun (hótelmiðar) eins og áður. Hvetjum öll til þess að kynna sér framboð og kjör á félagavef. Minnum einnig á að félagsmenn geta keypt niðurgreidd gjafabréf í flug hjá Icelandair.
Sérstök ábending er ætluð sumarfólkinu okkar eins og áður sem getur sótt um skólastyrk í haust. Hnappurinn fyrir umsóknina verður aðgengilegur á heimasíðu félagsins þegar nær dregur.