Niðurstöður kosningar um boðun yfirvinnubanns, þjálfunarbanns og tímabundinna og tímasetta vinnustöðvana hjá Isavia
Samningnefndir FFR og Sameykis stéttarfélags í almannaþjónustu ákváðu á fundi gær að boða til yfirvinnu- og þjálfunarbanns ásamt tímabundnum og tímasettum aðgerðum við öryggisleit og farþegaflutninga eftir að samtöl stéttarfélaganna við Samtök atvinnulífsins fyrir hönd ISAVIA ohf. reyndust árangurslaus.
Samningaviðræður hafa staðið síðan í september 2023 og var deilunni vísað til ríkissáttasemjara þann 8. apríl sl. Í gær 28. apríl var orðið ljóst að ekki væri lengra komist í samtalinu við SA fyrir hönd ISAVIA ohf.
Á félagsfundi sem haldin var þann 11. apríl sl. var samþykkt einhuga meðal félagsfólks að reyna með aðgerðum að ná fram kröfum félaganna. Kröfurnar snúa fyrst og fremst að því að ná fram samræmingu á réttindum milli gildandi kjarasamninga innan ISAVIA ohf. og dótturfélaga. Einnig snúa kröfurnar að því að ná fram leiðréttingu á framkvæmd kjarasamninga frá síðustu samningalotu.
Félagsfólk stéttarfélaganna tveggja munu kjósa um aðgerðir sem hefjast eiga þann 9. maí næstkomandi að gefnu samþykki félagsfólks. Atkvæðagreiðsla um aðgerðir hefst í dag kl. 13:00 og lýkur kl. 13:00 fimmtudaginn 2. maí.
Smelltu hér til að taka þátt í kosningunni.
Félagsmenn FFR sem eru sumarstarfsmenn hjá Isavia geta sótt um styrk fyrir skólagjöldum. Styrkurinn er að hámarki 30.000 kr. og nemur styrkur aldrei hærri upphæð en útlagður kostnaður. Rafræn umsókn þarf að berast félaginu fyrir 1. september og þarf kvittun fyrir útlögðum kostnaði að fylgja með.
Styrkir verða greiddir út fyrir lok september 2024. Félagið áskilur sér rétt til þess að hafna umsóknum ef þær uppfylla ekki ofangreind skilyrði.
Opnað hefur verið fyrir umsóknir um úthlutun orlofshúsa fyrir eftirfarandi tímabil:
Sumar innanlands: tímabilið 27. maí - 30. september 2024. Athugið að nýja orlofshús félagsins að Þórsstíg 28 verður leigt út frá og með 1. júlí 2024 og kostar vikuleiga 35.000 kr. í sumar. Verð á öðrum orlofskostum innanlands í sumar (Munaðarnes og Akureyri) helst óbreytt, 23.000 kr. vikan.
Jól og áramót Tenerife: tímabilið 17. desember 2024 til 7. janúar 2025. Athugið að vegna þess hvernig jólafrídagarnir koma út næst verður í boði 3ja vikna leiga nú um jólin sem kostar 147.000 kr.
Páskar Tenerife: tímabilið 15. - 29. apríl 2025
