Kæru félagsmenn,

Fimmtudaginn 18. apríl klukkan 12:00 opnum við fyrir sumarleigu nýju íbúðar félagsins á Tenerife. Um leið opnum við einnig á vetrarleiguna og hefjum forúthlutun jóla/áramóta og páska.

Opin sumar- og vetrarleiga merkir að reglan fyrstur kemur, fyrstur fær gildir. Þú skráir þig inn á orlofssíðu félagsins, finnur þér laust heppilegt tímabil og bókar (LAUS TÍMABIL). Við bókun hefur þú svo sólarhring til þess að greiða leiguna. Að sólarhring liðnum verður umsókn eytt nema hún hafi verið greidd. 

Félagið hefur þá reglu að endurgreiða ekki leigu sem hefur verið greidd. Ef hætta þarf við ferðaplön t.d. vegna veikinda er mönnum bent á að hafa samband við sitt tryggingafélag.

Athugið að áfram verður íbúðin leigð frá miðvikudegi til miðvikudags og yfir sumartíma er íbúðin leigð í tvær vikur í senn. Yfir vetrartíma hafa félagsmenn val um eina eða tvær vikur í senn í leigu. Leiguverð er alltaf 35.000 kr. vikan auk þrifagjalds sem félagsmaður greiðir sjálfur á Tenerife. Leiga kostar 36 punkta yfir sumartíma, jól/áramót og páska en engir punktar eru teknir fyrir opna vetrarleigu.

Jól/áramót eru tímabilið:

18.12.2019 - 08.01.2020.

Kostar 105.000 kr. plús þrif og 36 punkta. Athugið að tímabilið er 3 vikur.

Forúthlutun er opin í 3 vikur, tímabilið 17.04.-07.05.2019 og að því loknu hafa menn vikufrest til þess að greiða og staðfesta úthlutun.

Páskar eru tímabilið:

08.04.2020 - 22.04.2020.

Kostar 70.000 kr. plús þrif og 36 punkta. 

Forúthlutun er opin í 3 vikur, tímabilið 17.04.-07.05.2019 og að því loknu hafa menn vikufrest til þess að greiða og staðfesta úthlutun.

Vetrarleigutímabilið

er 2. október 2019 til 6. maí 2020.

Þá hefst næsta sumartímabil sem fer í forúthlutun næsta vor eða síðla næsta vetur.

Framkvæmdum miðar mjög vel á Tenerife og sem stendur er verið að koma húsgögnum fyrir. Gardínur hafa verið settar upp, sjónvörp klár og markísan komin á svalirnar. Við uppfærum myndir um leið og við höfum þær tilbúnar.

Umsókn um úthlutun

Til þess að sækja um úthlutun skrá félagsmenn sig inn á orlofsvef Félags Flugmálastarfsmanna ríkisins og velja TENERIFE JÓL OG PÁSKAR.



Þar gefst kostur á að velja tímabilið Tenerife jól/áramót 19/20 og Tenerife páskar 2020